Prime Minister Mohamed Abdullahi Mohamed give's the U-N 90 days to move from nairobi to muqdisho: Somali PM Mohamed orders UN to return to Mogadishu : Warsaxaafa​deed "Hay’adaha QM waa inay u soo guuraan Muqdisho 90 cisho gudahood"

Somali PM Mohamed orders UN to return to Mogadishu
The prime minister of Somali transitional federal government ordered the United Nations agencies to relocate its offices to Mogadishu, the capital city of the horn of Africa nation.

In a press conference held in the capital, Mohammed Abdullahi Mohammed said that the all Un agencies should come to Mogadishu within 90 days.

He said that the UN should witness the deteriorating situation of Somali society and held them directly.

He also pointed out the United Nations should also see the performance and developments Somali government stride in the last few months in its fighting against wha he called Al shabaab militants.

Mohammed called for Augustine Mahiga, the UN envoy to move to Mogadishu and set up his office in the capital of Somalia.

He said that the security in the capital is reliable and dependable as different embassies are right now operating in the capital, adding that if the UN is serous, its agencies should operate in Mogadishu.

The statement of Somali prime minister comes as the cabinet has already boycotted to attend UN organized meeting for Somalia factions.

Warsaxaafadeed

Hay’adaha QM waa inay u soo guuraan Muqdisho 90 cisho gudahood
(Muqdisho – Isniin, 04 April 2011) Maadama Dalka Soomaaliya uu muddo 20 sano ah ku jiray xaalado adag, isla markaana hay’adihii dastuuriga ahaa ay soo mareen marxalado kala duwan ayaa hadda waxaa muuqda ifafaalo horumar oo u baahan in si wadajir ah looga wada shaqeeyo sidii loo sii xoojin lahaa dadaalada socda oo ay ka mid yihiin soo celinta amniga, dib-u-habeynta dhaqaalaha, maamul wanaaga, dib-u-heshiisiinta iyo sidii shacabka somaaliyeed loo gaarsiin lahaa adeegyada muhiimka ah.
Si haddaba loo dardargeliyo horumarka la sameeyey waxaa muhiim ah in dhammaan hay’adaha dastuuriga ah ee DFKMG ah, bulshada soomaaliyeed qeybahooda kala duwan iyo caalamkaba ay kaalin mug leh ka qaataan sidii ummadda soomaaliyeed looga saari lahaa marxalladan adag loona gaarsiin lahaa horumar iyo barwaaqo.
Caqabadaha heeysta ummadda Soomaaliyeed ayaa waxaa ka mid ah hay’adihii Qaramada Midoobey oo aan la joogin shacabka Soomaaliyeed oo aan fadhigoodu aheyn Dalka gudihiisa. Waxaa hubaal ah in haddii hay’adahan uu fadhigoodu noqon lahaa caasimadda Muqdisho in xaaladda dalka uu wax weyn iska bedeli lahaa.
Sidaas daraadeed Xukuumadda FKMG ah iyadoo ka duuleysa waajibaadka ka saaran shacabkeeda iyo sidii loo xaqiijin lahaa in ummadda Soomaaliyeed la gaarsiiyo adeegyada bulshada sida gar-gaarka bani’aadanimo ayaa waxey go’aamisay in dhammaan hay’adaha Qaramada Midoobey ee ku howlan arrimaha Soomaaliya ay u soo guuraan magaalada Muqdisho muddo 90 maalmood ah gudahooda, si ay u sahlanaato in shacabka Soomaaliyeed loo fidiyo gargaarka ay sida deg-dega ah ugu baahanyihiin.
Xukuumadda FKMG ah waxey hubtaa in aysan danta ummadda Soomaaliyeed ku jirin in Nayroobi ay sii joogaan hay’adaha loogu talo galay inay u adeegaan bulshada Soomaaliyeed. Soo guurista hay’adaha QM ee Muqdisho waxey wax badan ka bedeli doontaa xaaladda guud sida amniga, abuurista shaqada, kobcinta dhaqaalaha iyo horumarka guud oo ay bulshadu si weyn ugu baahantahay.
Mar haddii marar badan ay Xoghayaha Guud ee QM Ban Ki-Moon iyo Ergeyga gaarka ah ee Xoghayaha Guud ee QM Augustine Mahiga ay sheegeen inay ka go’antahay in dhammaan hay’adaha QM ay u soo guurayaan Muqdisho, waxaa la joogaa waqtiga laga dhabeyn lahaa ballanqaadyadaas. DFKMG ah waxey ka codsaneysaa QM inay arrinkan siiyaan muhiimada uu leeyahay oo ay muddada 90ka maalmood gudahood ugu soo guuraan.

Ugu danbeyntii waxaan u mahadcelinayaa bulshada qeybaheeda kala duwan ee taageerada joogtada ah siiyey Dowladda, sida oday dhaqameedyada, dumarka, dhalinyarada iyo qeybaha kale ee bulshada oo shucuurta si joogta ah ugu muujiyey sida ay u taageersanyihiin Dowladooda.
-DHAMAAD-
--
Garad Salad HersiPress Officer office of the Prime Minister Mogadishu, Somalia