1. Golaha Dhaqanka: Dhibaato lixaad leh ayaa ka taagan dalka Soomaaliya. Dadku waa illaaween dawladnimo, kala dambayn, isu tanaasul iyo waddaniyad. Waxa dhib badani ka taagan yahay kala saarid la’aanta dhaqanka iyo hab-dhaqanka. Sidaa awgeed waa in la helo golayaal dhaqan oo dib u unka oo raad gooba duntii ummadda Soomaaliyeed. Golayaashani ha u badnaadeen dad waayeel ah, maaddaaba ay dadka waaweyni wax badan ka xasuusan karaan Soomaaliya waxay ahaan jirtay, wixii ka lumay, iyo xiriirradii ay la lahayd adduunka. Golahani adigoo madaxweynaha la tashanaya ha yeesho xero goonniya, waxana lagaba xuli karaa baarlammaanka tiradhaafay, oo labo aqal loo kala jebin karaa, waxana lagu dhafi karaa isimmada beelaha hoggaamiya. Taladaas waxay ku iman kartaa in is-afgarad ka dhex jiro qaybaha dawladda. Haddii taa la helo golahani ha yeesho qaybahan soo socda iyo wixii aanan xasuusan oo aan gefey:
- Dib-u-heshiisiinta iyo xal u helidda khilaafaadka
- Madxafka Qaranka iyo Taariikhda
- Isku-xirka Jaaliyadaha Gobollada iyo Degmooyinka
- Islaamka iyo Nolosha
- Suugaanta iyo Farshaxanka
2. Golaha Xukuumadda: Dawladihii ka horreeyey ee dalka loo dhisay waxay ahaayeen kuwa dhalanteed lagu soo dhisay oo xaqiiq ka fogaan iyo sad bursi ku caan baxay. Waxan kugula talinayaa inaad hoos u eegto dhibaatada Soomaali dawlad la’aanta dhigtay oo ah ‘qabiilaysi’ imminkana salba u ah dawladda hadda waddanka ka jirta. Soomaalida cilmigeedu maahmaahaha ayuu ku dhan yahay: “sidee xeego loo xagtaa, ilkahaaguna uga nabad galaan,” waa maahmaah Soomaaliyeed oo miisaan leh. Adigoo taa ka dab qaadanaya, marka hore waa inaad dhistaa gole xukuumadeed oo ka kooban 18 wasaaradood. Sidee haddaba wasaaradahaas aad dhistay dadku ugu qanci karaan? Waxay u baahan tahay arrintani lafagur iyo caqiido kaabi karta arrintan. Aniga ra’yi ahaan miiskan aan hoos ku diyaariyey waxan ku shaandhaynayaa sidii xukuumadda qabaa’ilka u gaari lahayd. Waxan xagga dambe ku tixi doonaa wasaaradaha loo baahan yahay inaad soo dhisto, haddaan wax ka tegey saxa. Qabaa’illada anigu aqoon uma lihi, laakiin waxan xoogaa cilmi baaris dib ugu eegay miisaanka mid walbi leeyahay, iyadoo cidna dhan goonni ah loo riixayn. Caqiidadani waa kumeelgaar, oo waa in la helaa dariiqo looga baxo mustaqbalka sida: axsaab siyaasadeed oo dalka dib looga furo. Waxa shuruud u ah in caqiidadani meel marto, ka dibna laga tallaabo, waa inaad golaha wasiirrada ka dhigtaa wixii da’adoodu 50 sano ka hoosayso. Waa inay ku jiraan ugu yaraan 2 dumar ah.
QABAA’ILKA SOOMAALIDA IYO QAYBINTA WASAARADAHA
| Daarood | Dir | Digil & Mirif | Hawiye | Beesha 5aad |
| 4 wasiir + PM | 5 wasiir | 4 wasiir +Spea. | 4 wasiir + Pres. | 1 wasiir +Dep. PM |
| Major Clans | Major Clans | Major Clans | Major Clans | Major Clans |
| Majeerteen – 1 | Habarawal -1 | Rahanweyn9- 1 | Habargidir- 1 | Jareer-weyne- 1 |
| Warsangeli – 1 | Habarjeclo- 1 | Rahanweyn8- 1 | Xawaadle- 1 |
| Dhulbahante- 1 | Habar Yonis-1 | Elay-1 | Murusade- 1 | ———————– |
| Ogaadeen- 1 | Gadabuursi- 1 | Others-1 | Duduble- 1 | |
| Marreexaan- PM | Dir-South- 1 | Ashraaf: Speak. | Abgaal- Pres. |
Wasaaradaha aad soo dhisaysaa ha noqdeen sidan soo socota:
- Wasaaradda Amniga
- Wasaaradda Dhaqaalaha, Lacagta iyo Horumarinta
- Wasaaradda Difaaca iyo Xuduudaha
- Wasaaradda Ganacsiga, Wershedaha iyo Suuq Geynta
- Wasaaradda Beeraha, Bay’adda, iyo Xoolaha
- Wasaaradda Sharciga, Arrimaha Diinta, iyo Dastuurka
- Wasaaradda Arrimaha Debedda
- Wasaaradda Isgaadhsiinta, iyo Warfaafinta
- Wasaaradda Waxbarashada Taknoolajiyada iyo Tacliinta Sare
- Wasaaradda Tamarta, Macdanta iyo Biyaha
- Wasaaradda Dibu Dejinta, iyo Jaaliyadaha
- Wasaaradda Gaadiidka Dhulka, Ciraka iyo Badda
- Wasaaradda Shaqada, Isboortiga iyo Dalxiiska
- Wasaaradda Kalluumaysiga iyo Khayraadka Badda
- Wasaaradda Caafimaadka iyo Adeegga Bulshada
- Wasaaradda Horumarinta iy Xidhiidhka Caalamiga ah
- Wasaaradda Arrimamaha Gudaha iyo Dawladda Hoose
- Wasaaradda Dib-u-dhiska Haya’adaha Dalka
Gunaanad:
Waxa iga xasuusina, waa in Golaha xukuumaddu ahaado mid ku biiriddiisa ay shuruud u tahay in qofku ugu yaraan shahaado BA, ama bajular ah ugu yaraan haysto, khibrad maammul leeyahay. Haddii kale waa inuu haystaa shahaado maajasteer ah (Masters) iyo wixii ka korreeya, waa haddii uu noqonayo wasiir. Waa in wasiirrada lagu xulaa aqoon, hawlkarnimo, daacadnimo iyo bisayl. Marna yaanay ku saamayn in go’a laguu soo geliyo nin qabiil dabada ka wado. Aqoontii dalka dibadday uga baxday ee waa inaad dhallinyarada aqoonta leh waddanka ku soo celisaa, xukuumaddana iyaga u badisaa. Taas waxa marag u ah, dalka dakhliga soo galaa wuxu ka yimaddaa bannaanka, waana dhallintaa dedaalkeeda, in badan oo ka mid ahi sidaadoo kale, waa waaya arkeen, qabiilna waa ogyihiin inaanu faa’iido keenayn.
Waxa kaloo iga talo ah: waa inaad adoo kaashanaya madaxweynaha badiba raggii dawladihii hore iyo siyaasadda waddanka ku soo jiray muddadii 20-kii sano, loo magcaabaa safaaradaha dibadda, sababtuna waa waxay garan karaan xiriirradii Soomaaliya lahayd, meelihii wax ka yaalleen, iyo raadkii u dambeeyey.
Wa billahi Tawfiiq
Maxamud Axmed serve as political analysts Terror Free Somalia Foundation
Email: maash68@gmail.com or terrorfreesomalia@gmail.com
Abdirahman Warsame is the Executive Director of the Terror Free Somalia Foundation.a national grassroots organization that opposes terrorism and supports democracy in Africa. regular contributor American Thinker http://www.americanthinker.com/abdirahman_warsame/ . .Pajamas Media and .other American conservative organization
Abdirahman Warsame is the Executive Director of the Terror Free Somalia Foundation.a national grassroots organization that opposes terrorism and supports democracy in Africa. regular contributor American Thinker http://www.americanthinker.com/abdirahman_warsame/ . .Pajamas Media and .other American conservative organization
.jpg)
No comments:
Post a Comment